Dy prej artistëve më të suksesshëm të momentit janë padyshim këngëtari Butrint Imeri dhe reperi, Don Xhoni.
Dyshja kanë sjellë projekte të suksesshme gjatë vitit që po lëmë pas, të cilat u kthyen në hite dhe vazhdojnë të dëgjohen akoma.
Por, ata të dy këtë herë janë bërë bashkë për një projekt të ri muzikor, e që pritet të publikohet shumë shpejt.
Foto: Butrint Imeri/Instagram
Kështu kanë lënë të kuptohen përmes postimeve të njëjta që ata kanë në llogaritë e tyre përkatëse të Instagramit.
Fillimisht ishte menaxheri i Butrint Imerit, Denis Avidu ai që postoi një foto ku shihet bashkë me këngëtarin dhe reperin.
Foto: Don Xhoni/Instagram
Më pas imazhi u shpërnda edhe nga Butrinit dhe Don Xhoni, të cilët e përshkruan si befasia e fundvitit.
“Kena me ua dridh kokën pasha Zotin e madh”, ka shkruar reperi nga Drenica në mbishkrimin e imazhit.
Foto: Don Xhoni/InstaStory
Ndërkohë, të dy po shijojnë sukseset e këngëve të fundit, Don Xhoni bashkëpunimin që solli me Loredanën “Gjuj për to”, ndërsa Butrint Imeri me projektin “Kuku”. /Telegrafi/
