Bayerni po e mbyll marrëveshjen me Jonathan David

Bayern Munich është pranë transferimit të sulmuesit kanadez Jonathan David.

Sulmuesi kanadez ka shpërthyer këtë edicion në elitën e futbollit belg me Gentin duke shënuar thuajse në çdo ndeshje.

20-vjeçari ka shënuar 23 gola dhe ka bërë 10 asistime në të gjitha garat duke u bërë ndër lojtarët e rinj më të kërkuar në tregun e transferimeve.

Inter, Roma, Milan, Liverpool, Arsenal, Borussia Dortmund apo Chelsea janë vetëm disa nga skuadrat që po kërkojnë lojtarin.

Por duket se garën për të e ka fituar gjiganti gjerman Bayern Munich, pasi raportuar se drejtuesit bavarez kanë marrë pëlqimin e lojtarit dhe agjentit të tij për t’iu bashkuar në Allianz Arena.

Ishte pikërisht agjenti i lojtarit që javë më parë deklaruar se klienti i tij do të dëshironte të luante në Bundesliga.

David do të ishte i kënaqur të bashkohet me Bayernin pasi aty do të gjente edhe bashkëkombësin e tij kanadez Alphonso Davies.

Kampionët në fuqi të Gjermanisë tani shpresojnë të mbyllin marrëveshjen me Gent, ku skuadra belge shpreson të fitojë mbi 20 milionë euro nga shitja e yllit të tyre. /Telegrafi/