Bayerni fiton me goleadë ndaj Mainzit, Perisic shënon golin e parë për Bavarezët

Bayern Munichu ka fituar me rezultat 6-1 ndaj Mainzit në ndeshjen e vlefshme për javën e tretë të Bundesliga.

Bavarezët kanë vazhduar serinë pozitive dhe fitoret në kampionat, pasi pas Schalkes, kanë mposhtur me lehtësi edhe Mainzin.

Pjesa e parë e ndeshjes u karakterizua me dominim të vendasve, të cilët përveç rasteve arritën t’i shënojnë edhe dy gola, kundrejt një të mysafirëve.

Warming up in the sun ☀️#FCBM05 pic.twitter.com/WvF3d6rGQQ

— FC Bayern Munich (@FCBayernEN) August 31, 2019

Megjithatë, të parët në epërsi kaluan mysafirët me anë të Jean-Paul Boetius, i cili shënoi në minutën e gjashtë me kokë për 0-1.

Vendasit arritën të kthehen në lojë duke shënuar fillimisht me Benjamin Pavard (36′) për 1-1, ndërsa David Alaba (45′) kaloi ekipin e tij në epërsi 2-1.

Turned it around just in time for the break 👍#FCBM05 2-1 pic.twitter.com/CeNBEVZhFX

— FC Bayern Munich (@FCBayernEN) August 31, 2019

Në pjesën e dytë, gjithashtu u zhvillua lojë e njëjtë, me Bavarezët që arritën të thellojnë epërsinë duke shënuar edhe katër gola tjera.

Ivan Perisic (54′) arriti të gjej golin e parë me Bayernin në ndeshje zyrtare duke shënuar për 3-1, ndërsa Kigsley Coman (64′) dërgoi epërsinë në 4-1.

Goal & Assist on his home debut. #FCBM05 pic.twitter.com/zL7XcqQvqQ

— Bayern & Germany (@iMiaSanMia) August 31, 2019

Në minutën e 78-të ishte Robert Lewandowski që shënoi për 5-1, ndërsa rezultatin përfundimtar 6-1 e vulosi i riu Alphonso Davies (82′).

Pas kësaj fitore, Bayerni ka shtatë pikë në vendin e dytë, ndërsa Mainzi renditet i fundit pas asnjë pikë. Në ndeshjen e radhës, Bavarezët udhëtojnë te RB Leipzig, ndërsa Mainzi e pret Hertha Berlinin. /Telegrafi/

Pavard ⚽
Alaba ⚽
Perisic ⚽
Coman ⚽
Lewandowski ⚽
Davies ⚽

You love to see it. #FCBM05 pic.twitter.com/tMb25CV8ia

— FC Bayern Munich (@FCBayernEN) August 31, 2019