Robert Lewandowski vazhdon të mbërrijë me vonesë në seancat stërvitore te Bayern Munich, ndërsa ai vazhdon të kërkojë transferimin te Barcelona.
Zyrat e klubit nga “Allianz Arena” vazhdojnë të kenë dy gjëra shumë të qarta në kokë në lidhje me polakun dhe nuk duan të ndryshojnë mendim.
E para, se ata nuk do ta lënë golashënuesin e tyre të shkojë për më pak se 50 milionë euro, shkruan Bild, ku sipas tyre kjo shumë ende nuk është ofruar nga Barcelona.
Dhe, së dyti, se kjo shumë duhet të paguhet me një pagesë të vetme.
Kështu shkruan Sport1, duke theksuar situatën ekonomike të Barcelonës, e cila e bën kampionin e Bundesligës të mos besojë.
Drejtuesit e Bayern Munich nuk i besojnë klubit Blaugrana dhe strategjisë së tyre për të shlyer borxhin. Ata nuk e përjashtojnë mundësinë që Barcelona të ketë probleme më serioze gjatë viteve të ardhshme, prandaj refuzojnë me vendosmëri të kryejnë transferimin e sulmuesit polak në disa këste.
Bayern Munich do të preferonte t'ia shesë Lewandowskin klubeve me aftësi paguese financiare si, për shembull, PSG dhe Chelsea./Telegrafi/
