Bashota: Projektet nuk po bëhen për fushatë, do t’i mbesin Prishtinës

Në një konferencë të komunës së Prishtinës janë prezantuar 5 projekte kapitale, që synohet të realizohen me partneritet publiko-privat.

Për të diskutuar rreth këtyre projekteve i ftuar në Ballë për Ballë të emisionit ora e Fundit ishte drejtori i Zhvillimit Ekonomik, Genc Bashota.

Bashota tha se aktiviteti i tyre ka shkruar shumë mirë dhe është bërë si pasojë e buxhetit të vogël i cili për vitin e ardhshëm do të jetë vetëm 62 milionë euro, transmeton Klan Kosova.

“Vitin e ardhshëm do ti kemi vetëm 62 milionë, ky buxhet është i pamjaftueshëm për kërkesat që i ka Prishtina”.

“Ne kemi vendos që në vitet vijuese një numër të madh të projekteve t’i realizojmë me sektorin privat”.

“Ne sot i zbuluam 5 projekte, që kanë bazë të realizohen në vitin vijues”.

“Parkingun nëntokësorë në zonën qendër të kryeqytetit, investime në Pallatin e Rinisë, zona e vjetër e kryeqytetit do të bëhet me çarshi, në rrugën “B” do të ndërtohet kompleks banesor-afarist si dhe projekti për ndërtimin e Stacionit Qendror në hyrje të qytetit”.

Bashota tha se pret që këto projekte do të fillojnë punimet në pranverën e vitit të ardhshëm.

“Unë besoj se këto projekte do të kalojnë në Kuvendin Komunal, pavarësisht që nuk  i kemi votat”.

“Ka 9 muaj që ne po punojmë në këto projekte për të cilat shpresoj se do të hasim në mirëkuptim”.

“Këto projekte janë përtej mandatit të kryetari Ahmeti, sido që të jenë zgjedhjet, ato do t’i mbesin Prishtinës”.