Barcelona konfirmon lëndimet e Ronald Araujo, Frenkie de Jong dhe Memphis Depay, të cilët duhet t'i lënë jashtë ata nga përballja me Interin në Ligën e Kampionëve.
Këto skuadra janë kokë e kokë në grupin e tyre të Ligës së Kampionëve, duke luftuar për t'u kualifikuar në vendin e dytë pas liderit Bayern Munich.
Ata përballen në “San Siro” më 4 tetor dhe më pas në “Camp Nou” më 12 tetor në dy ndeshje që ndoshta do të vendosin se kush do të arrijë në raundin e 16-të.
Ashtu siç pritej, Ronald Araujo lëndoi tendinin në aduktorin e tij dhe iu desh të operohej në Finlandë.
Kjo jo vetëm që e ka përjashtuar uruguaianin për pjesën tjetër të fazës së grupeve të Ligës së Kampionëve, por gjithashtu do të thotë se ai nuk mund të marrë pjesë në Kupën e Botës në Katar, që do të luhet në nëntor dhe dhjetor.
Barcelona publikoi një përditësim, duke konfirmuar lëndimet e pësuar në ndeshjet ndërkombëtare me Holandën në Ligën e Kombeve.
De Jong është diagnostikuar me një zgjatje të semitendinosusit të kofshës së majtë, ndërsa Depay ka një lezion në bicepin femoral në kofshën e majtë.
Koha e rikuperimit nuk është ende e qartë, por sigurisht që do të jenë në dyshim për ndeshjen e parë më 4 tetor. /Telegrafi/
