Barcelona pritet të shesë nëntë lojtarë këtë verë

Barcelona luan ndeshjen e fundit të sezonit kundër Valencias në finalen e Copa del Rey të shtunën mbrëma, por për deri në nëntë lojtarë të tyre mund të jetë ndeshja e tyre e fundit për ekipin e Ernesto Valverdes.

Barcelona mund të përfundoj sezonin me dy tituj, La Ligan dhe Copa del Rey, por edhe ky po cilësohet zhgënjim pas eliminimit nga Liga e Kampionëve.

Në fillim të sezonit Lionel Messi ka thënë se objektivi kryesor i klubit këtë sezon ishte për të sjellë në shtëpi Ligën e Kampionëve për herë të parë pas katër viteve, por nuk ia arritën.

Lexo po ashtu Formacioni i mundshëm i Barcelonës për sezonin e ri me tri transferime

Valverde është i etur për t’i dhënë fund dështimit të klubit në garën e madhe ekipore evropiane dhe po synon revolucion për sezonit të ardhshëm.

Ai dhe Barcelona tashmë kanë filluar ndërtimin e skuadrës me Frenkie de Jong që tashmë është konfirmuar si transferim nga Ajaxi.

Antoine Griezmann mund të bashkohet dhe Matthijs de Ligt është gjithashtu i lidhur fort me transferimin në Camp Nou.

Lexo po ashtu Mësohet arsyeja pse Griezmann vendosi të largohet nga Atletico për t'u transferuar te Barcelona

Sipas gazetës Sport, afrimi i këtyre tre yjeve do të thotë se dera e largimit mund të jetë më e ngarkuara në vitet e fundit, pasi pritet të largohet nëntë lojtarë.

Gazeta spanjolle raporton se Jasper Cillessen, Jeison Murillo, Thomas Vermaelen, Samuel Umtiti, Rafinha, Ivan Rakitic, Malcom, Philippe Coutinho dhe Kevin Prince Boateng nuk do të jenë në klub sezonin e ardhshëm. /Telegrafi/