Barcelona mendon për transferimin e Raphael Guerriros

Barcelona e ka nxjerr në shitje mbrojtësin e majtë spanjoll Junior Firpo.

Kampionët në fuqi të Spanjës nuk kanë mbetur të kënaqur nga paraqitjet e Firpos dhe janë duke kërkuar blerës për të.

E ardhmja e spanjollit pritet të jetë në Itali, ku skuadrat si Inter, Roma dhe Napoli kanë shprehur interesim për të.

Katalunasit kanë gjetur tanimë zëvendësuesin e tij dhe në listën e tyre është portugezi Raphael Guerreiro.

Mbrojtësi i majtë i Dortmundit pëlqehet jashtëzakonisht shumë nga trajneri Quique Setien i cili ka kërkuar nga drejtuesit e klubit afrimin e anësorit.

26-vjeçari është duke kaluar nëpër një formë fantastike, ku ka shënuar tetë gola dhe ka bërë pesë asistime këtë edicion në të gjitha garat.

Guerreiro i përshtatet jashtëzakonisht shumë lojës së Barcelonës dhe kjo është arsyeja që lideri aktual i La Ligës kërkon transferimin e tij.

Megjithatë katalunasit nuk do ta kenë fare të lehtë një gjë të tillë, pasi Dortmund e vlerëson yllin e tyre rreth 35 milionë euro, shumë që është e lartë për Barcelonën që po kalon nëpër një krizë financiare. /Telegrafi/