Barca ka 15 ditë në dispozicion që të transferojë një sulmues

Barcelona ka marrë dritën e gjelbër për të transferuar një sulmues si pasojë e lëndimit të Ousmane Dembele, mirëpo ka vetëm 15 ditë në dispozicion që të arrijë marrëveshje.

Blaugranët kanë bërë kërkesë tek autoritet e sportit që t’u japin leje për përforcimin e skuadrës dhe ia kanë arritur qëllimit. Rregullat në Spanjë lejojnë transferimet jashtë afateve kalimtare në raste emergjente, ndërsa Barca duket se i plotëson kushtet.

Lëndimi i Luis Suarez dhe Dembele ka bërë që klubi katalunas të mbetet vetëm me Lionel Messin dhe Antoine Griezmannin në fazën e sulmit.

Dembele nuk luan deri në fund të sezonit për shkak të ndërhyrjes kirurgjike, derisa talenti Ansu Fati është alternativa e vetme e dy sulmuesve të lartpërmendur.

Federata Spanjolle e Futbollit lejon transferimin e lojtarëve të lirë, apo atyre që lujnë në klubet e La Ligas. Ndërsa transferi i ri nuk do të ketë të drejtë të luajë në Ligën e Kampionëve.

Angel Rodriguez (Getafe), Lucas Perez (Alaves), Roger Marti (Levante) dhe Martin Braithwaite (Leganes) janë emrat që janë lidhur me Barcelonën. /Telegrafi/