Bajrami: Maturantët shprehin interesim për UEJL-në, afati për bursa deri më 31 gusht!

Në Maqedoni për disa ditë me radhë kanë vazhduar regjistrimet për studimet deridiplomike nëpër universitete publike dhe private, transmeton Telegrafi Maqedoni.

”Zakonisht fluksi më i madh i aplikimeve bëhet në periudhën kur bashkë me UEJL-në si universitet publik-privat zhvillohet edhe regjistrimi në universitetet tjera publike, por aplikime të studentëve nga Maqedonia, Kosova, Shqipëria, Lugina e Preshevës dhe vende të tjera ka pasur që nga shpallja e konkursit për regjistrim. Trendet e aplikimeve të maturantëve deri në këto momente po japin rezultatet e pritura. Gjithashtu, me rëndësi është fakti se gjeneratat e reja gjithnjë e më shumë po arrijnë ta identifikojnë UEJL-në si universitetin e së ardhmes, me standarde të barasvlershme me ato më të avancuarat ndërkombëtarisht. Dizajnimi i programeve akademike dhe i aktivitetit akademik të bazuar në standardet evropiane dhe ndërkombëtare të arsimit universitar. Përkrahja e stafit ndërkombëtar nga universitetet e vendeve donatore të UEJL, BE e SHBA, na ka mundësuar që jo vetëm t’i integrojmë standardet ndërkombëtare në universitet, por edhe të mëshirohemi me to. Këtij investimi te ngulitur thellë në ndërkombëtarizimin e një universiteti ballkanik sot, çdo universitet që ka pretendime konkurruese globale ia ka per lakmi” theksoi Demush Bajrami, këshilltar i rektorit të UEJL-së.

Në vitin e ri akademik në UEJL, pritet të regjistrohen rreth 1300 studentë në të tre ciklet e studimit, numër ky i përcaktuar në relacion me kuadrin që ofron universiteti dhe në pajtim me standardet ndërkombëtare për raportin student-profesor./Telegrafi/