Avokati Palushi: Tribunali ndaj Serbisë nuk do të ketë mbështetje ndërkombëtare (Video)

Avokati Kushtrim Palushi ka thënë se nevoja për drejtësi e mijëra familjeve kosovare nuk duhet të keqpërdoret për të shtyrë përpara agjendat politike.

Palushi, në emisionin “Përballje” me gazetarin Muhamet Hajrullahu në RTV Dukagjini, ka thënë se të gjitha shtetet e Ballkanit kanë dështuar të gjykojnë ushtarakët e niveleve më të ulëta pas luftërave në këtë pjesë të Evropës.

Avokati ka thënë se krijimi i një Tribunali ndërkombëtar për krimet serbe, p⌂rveç që është i vonshëm, është edhe i panevojshëm.

“Ne kemi institucione në Kosovë për hetimin dhe gjykimin e krimeve të luftës. Hetimi dhe gjykimi i krimeve të luftës bëhet vetëm në shtetin ku ka ndodhur krimi. Nga viti 2008 Prokuroria dhe gjykatat e Kosovës kanë qenë të mandatuara të hetojnë të gjitha krimet që kanë ndodhur në Republikën e Kosovës”, tha ai, përcjell Telegrafi.

Palushi ka thënë se nëse themelohet një Tribunal pa mbështetjen e OKB-së, është iluzore të mendohet se dikush në Kosovë mund të sjellë ndonjë kriminel lufte nga Serbia, qoftë ai edhe presidenti i Serbisë, Vuçiq.

Lexo po ashtu Nurellari për Tribunalin ndaj Serbisë: Shumë njerëz ishin skeptikë edhe te lufta e pavarësia, por e vërteta doli ndryshe (Video)

Ai ka thënë se iniciativa e Kuvendit në praktikë mund të zbatohet duke rizgjuar memorien kolektive, krijimin e një muzeu për krimet serbe, etj.

Lexo po ashtu Miftaraj: Ideja për Tribunalin e mirë për t’u dëgjuar, por e dështuar qysh në fillim (Video)

“Një tribunal çfarë po mendohet është vështirë të krijohet menjëherë pas konfliktit e lëre më 20 vite pas luftës kur po pretendohet pajtimi i palëve. Është një temë që nuk gjen mbështetje te parterët tanë ndërkombëtarë pasi do të konsiderohet si kthim pas në kohë”, tha Palushi./Telegrafi/