Ava Max performon në mënyrë energjike hitin e saj “Sweet But Psycho” në spektaklin ‘Today’

Këngëtarja shqiptare në ngritje, Ava Max, të premten i ka vizituar zyrat e NBC për të interpretuar në spektaklin televiziv, Today.

24-vjeçarja e ka performuar hitin botëror, “Sweet But Psycho” dhe ka biseduar me Hoda Kotb dhe Carson Daly në lidhje me suksesin e kësaj kënge.

https://www.youtube.com/watch?v=zRWBJbAVFmg

Me këtë rast, Ava kishte veshur një pallto të kuqe dhe pantallona të lëkurës, ndërsa shoqërohej edhe nga dy valltare për ta kompletuar performancën.

Nikoqirët e emisionit e kanë pyetur këngëtaren lidhur me kryesimin e top-listës së Billboard për artistët në zhvillim, ndërsa ajo ka thënë se krahas kënaqësisë është edhe një përgjegjësi e madhe.

“Është padyshim mahnitëse. E kam bërë këtë punë qe një kohë të gjatë, por prej daljes së kësaj kënge duket sikur gjithçka ka ndodhur brenda natës, edhe pse nuk ka ndodhur ashtu”, ka thënë Ava.

Ava Max shared on TODAY Show how she feels at the top of the Billboard Emerging Artist and the meaning behind “Sweet but Psycho” and more. #AvaMaxTODAY pic.twitter.com/OW8dZ8O7wx

— Ava Max Access (@AvaMaxAccess) January 25, 2019

Amanda Ava Koci është një këngëtare me origjinë shqiptare e lindur në Wisconsin të SHBA-ve, ku prindërit e saj kishin shkuar nga Saranda.

Ajo publikoi këngën e saj të parë të debutuese “Way My Way”, përmes “Records Atlantic” më 20 prill 2018, teksa më pas ka sjellë edhe këngën “Slippin” në duet me reperin e njohur shqiptar, G4shi.

Ava tash është duke e vazhduar karrierën në Londër, ku është zhvendosur së bashku me familjen e saj. Pas suksesit të “Sweet but Psycho”, pritet që ajo t’iu bashkohet artisteve tjera shqiptarë me renome botërore. /Telegrafi/