Automjeti i Reyes ecte me shpejtësi 236 km/h në momentin e aksidentit tragjik

Lajmet e fundit janë duke zbuluar shpejtësinë e vërtetë të automjetit, ku mbetën të vdekur Jose Antonio Reyes dhe kushëriri i tij, ndërsa një tjetër shpëtoi me djegie të shkallës së lartë.

Mundo Deportivo raporton se makina në të cilën gjendej ish-ylli i Real Madridit dhe Arsenalit, po lëvizte me një shpejtësi prej 147 mph (236 kilometra në orë).

Është raportuar po ashtu se spanjolli nuk ishte duke e vozitur makinën që pas aksidentit të pësuar, mori flakën, duke mbetur me vetëm një të shpëtuar.

35-vjeçari dhe kushëriri i tij, Jonathan Reyes (23 vjeç), kanë ndërruar jetë në vendin e ngjarjes, pasi makina e tipit Maercedes Brabus S550V kishte dalë nga rruga.

Reyez së bashku me dy kushërinjtë e tij ishte duke u kthyer për në shtëpi, pasi kishin përfunduar stërvitjet në Ectramedura, në klubin që po luante, afër Sevillas.

Lexo po ashtu Tronditet bota e futbollit, humb jetën tragjikisht ish-sulmuesi spanjoll i Sevillës , Arsenalit dhe Real Madridit, Jose Antonio Reyes

Funerali i tij është duke u zhvilluar në kishën Santa Maria në Utrera, ndërsa në mbrëmje do t’i jepet lamtumira e fundit ish-lojtarit të kombëtares së Spanjës. /Telegrafi/