Australia gjobit X-in për dështimin në luftën ndaj përmbajtjes së abuzimit të fëmijëve

Mbikëqyrësi i sigurisë së internetit në Australi ka dhënë një gjobë prej 386,000 dollarësh për X (ish-Twitter) për dështimin për të bashkëpunuar me një hetim mbi praktikat kundër abuzimit të fëmijëve.

Kjo vjen pasi Musk në postimin e tij nëntorin e kaluar tha se “heqja e postimeve për shfrytëzim të fëmijëve është prioriteti numër 1”.

Komisioni eSafety kritikoi “bisedën boshe” të firmës për këtë çështje, transmeton Telegrafi.

Burimet e brendshme i kishin thënë më herët BBC-së se nuk do të ishin në gjendje t’i mbronin përdoruesit pas pushimeve masive në X.

X, ka parë një rënie të vazhdueshme të të ardhurave që kur Musk e bleu atë për 44 miliardë dollarë vitin e kaluar.

Sipas ligjeve australiane që hynë në fuqi në vitin 2021, rregullatori mund të detyrojë kompanitë e internetit të japin informacion në lidhje me praktikat e tyre të sigurisë në internet ose të përballen me gjobë.

Nëse gjoba nuk paguhet, rregullatori mund të ndjekë kompaninë penalisht në gjykatë.

Google-it iu dha gjithashtu një paralajmërim për mospërputhje me kërkesën e tij për informacion në lidhje me trajtimin e përmbajtjes së abuzimit të fëmijëve.

Por mospërputhja e X ishte më serioze, me rregullatorin që tha se kompania dështoi “të jepte ndonjë përgjigje për disa pyetje, duke lënë disa seksione krejtësisht bosh”. /Telegrafi/