Aubameyang është ende opsion i Barcelonës dhe Interit

Pierre-Emerick Aubameyang pritet të largohet nga Arsenali në këtë afat kalimtar veror.

Sulmuesi gabonez ka refuzuar që të vazhdojë kontratë me The Gunners, derisa ajo aktuale i skadon në vitin e ardhshëm.

Sipas asaj që raporton Sky Sport Itali, Barcelona dhe Interi ende nuk kanë hequr dorë nga Aubameyang.

Skuadra katalunase po tenton të transferojë Lautaro Martinezin nga Nerazzurët, mirëpo nëse dështojnë, atëherë do të kthejnë shikimin nga gabonezi.

Në anën tjetër, nëse skuadra italiane humbë shërbimet e argjentinasit, atëherë do të tentojnë transferimin e Aubameyangut. /Telegrafi/