Atje shkollat do të jenë të mbyllura për disa ditë, por Merkel “sfidon” ajrin e ndotur – ecën pa maskë gjatë vizitës së saj në Indi

Ndryshimi i klimës, siguria kibernetike dhe inteligjenca artificiale janë disa nga disa fusha në të cilat Gjermania dhe India kanë rënë dakord të forcojnë bashkëpunimin.

Siç shkruan Deutsche Welle, përcjell Telegrafi, udhëheqësit e vendeve filluan bisedimet duke nënshkruar një sërë marrëveshjesh.

Po sipas këtij mediumi, kancelarja gjermane, Angela Merkel dhe kryeministri i Indisë, Narendra Modi nënshkruan një seri marrëveshjesh strategjike të premten në New Delhi.

“Ne po inkurajojmë sektorët tanë privatë të japin një impuls në tregtinë tonë në rritje dypalëshe. Kancelarja Merkel dhe unë do të takojmë disa nga udhëheqësit më të lartë të biznesit dhe industrisë”, ka thënë Modi gjatë një konference të përbashkët për shtyp.

Merkel është në Indi për një vizitë tre-ditore. Ajo u përshëndet nga garda e nderit dhe do të vërë kurorë në një ceremoni përkujtimore për Mahatma Gandhi.

Për shkak të problemeve të saj të vazhdueshme shëndetësore, kancelarja u ul ndërsa intonoheshin himnet kombëtare.

Dhe sipas DW, ajo dhe Modi morën pjesë në pallatin presidencial pa maska të ndotjes, me gjithë ajrin e ndotur në atë kohë që përmbante grimca të dëmshme 19 herë në maksimumin e sigurt të Organizatës Botërore të Shëndetësisë, sipas uebfaqes së ambasadës amerikane.

Ndryshe, sipas autoriteteve, shkruajnë mediat vendase, të premten është njoftuar se të gjitha shkollat në kryeqytetin kombëtar do të qëndrojnë të mbyllura deri më 5 nëntor, për shkak të rritjes së ndotjes së ajrit. /Telegrafi/

https://www.youtube.com/watch?v=o4a53iTQ4f0