Astronomët gjejnë skajin e Rrugës së Qumështit

Sa larg shtrihet Rruga e Qumështit? Studiuesit e Universitetit Durham kanë gjetur përgjigjen e kësaj pyetje!

Astrofizikantja Alis Deason dhe ekipi i saj nga Universiteti Durham në Mbretërinë e Bashkuar tani e dinë se ku ndodhet skaji i Rrugës së Qumështit. Ata llogaritën që diametri i saj përfshinte gjithsej 1.9 milionë vjet dritë.

Për të qenë në gjendje të llogaritnin këtë distancë, studiuesit duhej të vëzhgonin trupat qiellorë rreth materies së errët, sepse vetë ajo nuk është e njohur njohur, transmeton Telegrafi.

Për ta bërë këtë, Deason dhe ekipi i saj filluan së pari simulimet e Rrugës së Qumështit, duke marrë parasysh grupin galaktik në të cilin ndodhet Rruga e Qumështit, i cili ka një diametër prej 9.8 milionë vjet dritë, siç raporton ScienceAlert.

Studiuesit u përqëndruan veçanërisht në largësinë nga galaktika Andromeda, me të cilën Rruga e Qumështit pritet të përplaset në rreth 4.5 miliardë vjet.

Të dy galaktikat aktualisht janë larg 2.5 milionë vjet dritë larg. Kjo do të thotë që ata janë mjaft afër për të ndikuar te njëri-tjetrin me anë të gravitetit.

Për të përcaktuar skajin e Rrugës së Qumështit, ekspertët simuluan lëndën e errët të Rrugës së Qumështit duke përdorur programe të ndryshme simulimi, duke ekzaminuar densitetin dhe shpejtësinë radiale. Kjo e fundit përshkruan shpejtësinë e trupave qiellorë rreth galaktikës nga distanca të ndryshme. /Telegrafi/