Astrologia me famë botërore, Susan Miller në “Vizionin e Pasdites” tregon se si do të jetë viti 2021 për të gjitha shenjat e zodiakut

Susan Miller është një astrologe amerikane. Ajo është autore e njëmbëdhjetë librave më të shitur dhe kishte 17 milionë lexues në faqja e saj në internet “Astrologyzone.com” dhe aplikacioni për celular në vitin 2019. 

Stili i saj i të shkruarit është i ngrohtë dhe tërheqës, gjithnjë optimist dhe parashikimet e Miller shpesh janë aq të sakta sa lexuesit kanë pyetur veten: “Si e dini se kjo ishte ajo për të cilën po mendoja tani?”

Së fundmi në një intervistë për emisionin shqiptar “Vizioni i Pasdites”, astrologia me famë botërore tregoi më shumë rreth jetë së saj.

“Nëna ime më tha se duhej të studioja 12 vite astrologji para se ta ndaja me të tjerët këtë profesion. Kjo për shkak se ka tetë planete dhe duhet t’i mësoja mirë para se ta ktheja në praktikë studimin tim”.

Susan Miller gjithashtu tregoi parashikimin e vitit 2021 për të gjitha shenjat e zodiakut:

Dashi (21 Mars – 19 Prill)

Vjet Dashi ka pasur një vit të mrekullueshëm sa i përket karrierës. Këtë vit do fokusohet te miqtë dhe vetja. Mund të ndjeni dëshirë të madhe të merreni me bamirësi.

Demi (20 Prill – 20 Maj)

Demi ka vitin më të mirë për karrierë në të gjithë jetën e tyre. Fokusohuni vetëm te kjo, harroni lidhjet e dashurisë, fokusohuni te karriera. Në fund të gushtit do të jetë momenti kulminant i karrierës.

Binjakët (21 Maj – 20 Qershor)

Binjakët kanë fituar shumë para vitin e kaluar. Ky është viti ku mund të shkruani një libër apo një skenar, fokusohuni te marrja dhe shpërndarja e informacioneve me të tjerët. Importi dhe eksporti janë shumë me rëndësi.

Gaforrja (21 Qershor – 22 Korrik)

Në tre vitet e fundit keni pasur shumë vështirësi në punë, sikur keni shtyrë një shkëmb të madh me shumë vështirësi. Këtë vit do keni rritje në të ardhura, edhe nëse nuk keni rritje rroge kërkoni për qindje.

Luani (23 Korrik – 22 Gusht)

Personat e shenjës së Luanit po mundohen të mësohen të jetojnë me partnerin e tyre. Ndaj, në pranverë deri te fundi i korrikut do shihni ndryshime të mëdha, thjesht mundoni të kuptoheni me partnerin.

Virgjëresha (23 Gusht – 22 Shtator)

Virgjërshat pëlqejnë shumë të punojnë, ndaj gjithmonë telefoni iu bie pa pushim. Këtë vit iu pret punë e madhe, ndaj mund të rrezikoni me hapjen e një biznesi të ri sepse nuk do të mbeteni pa para.

Peshorja (23 Shtator – 22 Tetor)

Ky është viti më i mirë për të kërkuar dashurinë. Personat e kësaj shenje kanë probleme infertiliteti. Këtë vit vizitoni mjekun pasi ka shansa të mëdha që t’ia dilni dhe të mbeteni shtatzënë.

Akrepi (23 Tetor – 21 Nëntor)

Do të jetë një shenjë shumë me fat këtë vit. Këtë vit kërkoni ndihmë për ndonjë ndryshim të ambientit, mos e bëni vet. Ky do të jetë viti juaj më i mirë në dhjetë vitet e fundit.

Shigjetari (22 Nëntor – 21 Dhjetor)

Shigjetarët janë rrëfimtarët më të mirë të zodiakut, ndaj shkruani një libër pasi njerëzit nuk ngopen dot me mënyrën tuaj të të shkruarit. Udhëtoni sa më shumë këtë vit.

Bricjapi (22 Dhjetor – 19 Janar)

Personat e kësaj shenje do të fitojnë shumë para përmes rrogës, nuk keni nevojë të kërkoni për qindje në punë apo të luani lojëra fati, fitimi do t’ju vijë drejtpërdrejtë.

Ujori (20 Janar – 18 Shkurt)

Do jetë viti juaj më i mirë në 12 vitet e fundit. Shfrytëzojeni këtë vit për tu dashuruar, do të jetë një mundësi shumë e mirë. Shikoni projektet që keni dhe mundohuni t’i relizoni ato.

Peshqit (19 Shkurt – 20 Mars)

Personat e kësaj shenje mjafton të dinë çfarë duan. Vendosni çfarë është më e mira për ju dhe mundoheni ta arrini atë pa hequr dorë, pasi universi do t’ju ndihmojë shumë në këtë aspekt.

Miller për fund bënë edhe një parashikim të përgjithshëm mbi pandeminë dhe vitin e ardhshëm

“Nga mesi i muajit mars do ta kemi më në kontroll situatën. Vitin tjetër situata do të përmirësohet, është një vit mjaft i mbarë. Peshqit do të kenë një vit fantastik vitin tjetër, bashk me ta edhe Peshorja me Binjakët”. /Telegrafi/