ASHMAA: Nuk do të ketë rregullim ligjor të portaleve, por vetëm regjistrim dhe njoftim

Nuk do të ketë rregullim ligjor të portaleve, por regjistrim dhe njoftim sepse është e pamundur të kryhet rregullim i këtij lloji të mediumeve, thotë drejtori i Agjencisë për shërbime mediatike audio dhe audio-vizuale (ASHMAA), Zoran Trajçveski. Ai në takimin e fundit publik të ASHAAM për vitin 2017 informoi se kanë porositur hulumtim në lidhje me këta media të reja, për atë se si është gjendja në krahasim me shtetet tjera. Në fillim të vitit të ardhshëm pritet të pranohet mendim objektiv, i paanshëm nga ekspertë të cilët do të japin pasqyrën e gjendjes në këtë fushë në shtetet tjera, përcjell Telegrafi Maqedoni.

Trajçevski në takimin publik i prezantoi aktivitetet e ASHMAA-së në tremujorin e katërt, me fokus në mbikëqyrjen mediatike për zgjedhjet lokale. Në këtë kontekst janë ngritur gjithsej 14 padi penale për shkelje të rregullores zgjedhore. Në lidhje me mosrespektimin e Ligjit për shërbime mediatike audio dhe audio-vizuale dhe Ligjit për media janë sjellë gjithsej 13 vendime për masa paralajmëruese për më shumë çështje./Telegrafi/