Arsenali ka shprehur interesim për ta përforcuar repartin ofensivë në afatin kalimtar dimërorë.
Topçinjtë duan me çdo kusht titullin e kampionit dhe trajneri Mikel Arteta po dëshiron ta përforcojë skuadrën në të gjitha repartet.
Reparti ofensivë është më i komplikuar, pasi lojtarët po lëndohen shpesh dhe zëvendësuesit nuk janë të denjë.
Arsenali e ka në listën e transferimeve sulmuesin anglez të West Ham United, Jarrod Bowen.
26-vjeçari ka shkëlqyer me çekanët dhe pëlqehet shumë nga trajneri Mikel Arteta që ka kërkuar nga drejtuesit e klubit transferimin e tij.
Bowen këtë edicion ka realizuar pesë gola dhe ka asistuar në dy të tjerë në tetë ndeshje zyrtare.
The Sun ka raportuar se Arsenali është i gatshëm të ofrojë 70 milionë euro për transferimin e anglezit në Emirates Stadium.
Anglezi mbetet lojtari kryesor i West Ham dhe vështirë se londinezët do të lejojnë largimin e tij. /Telegrafi/
