Arsenali ndoqi nga afër Insignen dhe Ghoulamin

Agjentët e Arsenalit ishin sot(shtunë) në në ‘Stadio San Paolo’ të shohin nga afër yjet e Napolit, Lorenzo Insigne dhe Faouzi Ghoulam.

Ndeshja e Serie A në mes të Napolit dhe Atalantas ka shërbyer shumë për agjentët e skuadrave angleze për të shikuar nga afër aftësitë e futbollsitëve që po mendojnë t’i transferojnë.

Pas Manchester Unitedit që kishin dërguar agjentët për të shikuar nga afër mbrojtësin shqiptar Elseid Hysaj dhe mesfushorin nga Bregu i Fildishtë, Franck Kessie, ishin edhe Arsenali ata që kishin dërguar agjentët e tyre, por për tjerë futbollistë.

Lexo po ashtu Agjentët e Unitedit vëzhgojnë Hysajn dhe Kessien

Sipas Tutttomercatoweb, Gunners kishin urdhëruar përfaqësuesit e tyre që t’i mbajnë sytë ngushtë në dy lojtarë të Napolit, të cilët kanë impresionuar gjatë dy sezoneve të fundit, përcjell Telegrafi.

I pari është mbrojtësi i anës së majtë, Ghoulam, reprezentuesi algjerian, i cili është duke tentuar që të bie dakord për një kontratë të re dhe ka kapur edhe syrin e Bayern Munich.

Lexo po ashtu Arsenali kërkon transferimin e Bakayokos

Një tjetër objektiv është Insigne, i cili ka qenë prej kohësh i lidhur me një transferim te Arsenali dhe profili i të cilit është rritur edhe më shumë pas golit të Ligës së Kampionëve kundër Real Madridit në Bernabeu.

Megjithatë , për të transferuar këta dy futbollistë nga Napoli, skuadrës londineze i duhet të derdh shumë para në arkat e italianëve, pasi Ghoulam llogaritet rreth 30 milionë, ndërsa Insigne hiç më pak se 50 milionë euro. /Telegrafi/