Arsenali interesohet për Leroy Sanen, Bayerni ia tregon çmimin londinezëve

Arsenali është njëra nga skuadrat më aktive në tregun e transferimeve.

Topçinjtë kanë arritur transferimin e dyshes braziliane Gabiel Jesus e Marquinhos, derisa kanë angazhuar edhe mesfushorin portugez Fabio Vieira nga Porto si dhe portierin Matt Turner nga New England Revulotion.

Trajneri Mikel Arteta i ka bërë të qartë drejtuesve të klubit se duhet të investohet për të ndërtuar një skuadër konkurruese për edicionin e ri.

Emri i ri në listën e dëshirave të londinezëve është ai i Leroy Sanes, pasi Arsenali dëshiron ta rikthejë gjermanin në Ligën Premier.

Gazeta e madhe gjermane Sport Bild ka raportuar se Arsenali ka kontaktuar Bayern Munichun për shërbimet e Leroy Sanes.

🚨 Arsenal are interested in signing German winger Leroy Sané.

Bayern Munich value him at around $70m.

(Source: @BILD_Sport)

— Transfer News Live (@DeadlineDayLive) July 16, 2022

Kampioni në fuqi i Gjermanisë i ka bërë të ditur Topçinjve se Sane mund të largohet vetëm nëse paguhet shuma prej 70 milionë eurove.

Bisedimet mes palëve pritet të vazhdojnë gjatë kësaj jave, derisa mbetet të shihet edhe dëshira e lojtarit nëse do të largohet nga Allianz Arena apo jo. /Telegrafi/