Arsenali barazon me Crvena Zvezdan në Emirates

Arsenali ka barazuar pa gola 0-0 ndaj skuadrës serbe, Crvena Zvezda, në ndeshjen e vlefshme për grupet e Ligës së Evropës.

Skuadra e Arsene Wengerit nuk ka mundur të vazhdoj serinë e fitoreve në Grupit H pasi kanë barazuar në ndeshjen e katërt pas tri fitoreve.

Topçinjtë e dominuan gjithë takimin, por pa arritur të gjejnë golin e fitoreve dhe ndeshja përfundoi me barazim pa gola.

Në pjesën e parë, skuadra e Wengerit rrezikoi disa herë, ku rastet më të mira i pati sulmuesi francez, Olivier Giroud (12’, 35’), por në të dy rastet nuk e gjeti golin.

Edhe në pjesën e dytë të rinjtë që iu kishte besuar trajneri francez luajtën mirë dhe krijuan raste, por portieri kundërshtar ishte në ditët më të mira, duke ia siguruar një pikë skuadrës së tij pas 90 minutave.

Pas këtij barazimi, Arsenali e sheh veten në pozitën e parë në grup me 10 pikë, ndërsa Zvezda renditet e dyta me pesë pikë.

Në ndeshjen e ardhshme, Topçinjtë  udhëton drejt skuadrës gjermane, Koln, ndërsa serbët luajnë në udhëtim te BATE Borisov. /Telegrafi/