Arrestohet në New York reperi G-Eazy

G-Eazy thuhet se u arrestua të hënën për një incident që përfshinte një sulm fizik.

Përleshja fizike u zhvillua në New York në orët e para të mëngjesit të së premtes, është pohuar, shkruan DailyMail.

Këngëtari 32 vjeçar, dyshohet se u përlesh me grushta me dy burra të tjerë për një seksion VIP brenda dhomës ekskluzive ‘Boom Boom’ në hotelin Standard, Highline, i vendosur në Qarkun e modës Meatpacking të qytetit.

Kur ylli u shfaq në tapetin e kuq të MTV VMA të dielën në mbrëmje, megjithatë, nuk kishte asnjë shenjë se ai kishte qenë në një grindje pasi nuk kishte ndonjë mavijosje në fytyrë.

Sipas New York Daily News ai shkoi në klub të premten në orën 12:40 të mëngjesit, dhe më pas PageSix njoftoi se incidenti ndodhi rreth orës 2 të mëngjesit.

Ai hyri në një seksion VIP të ‘Boom Boom Room’ por nuk ishte i tiji; ishte lënë mënjanë për një festë private që përfshinte kompaninë e veshjeve “Lacoste”, tha policia për NYDN.

Artistit iu kërkua të largohej nga dhoma VIP e “Lacoste”, por G-Eazy dyshohet se nuk donte të shkonte, dhe një grindje u zhvillua.

Faqja shtoi se një përleshje fizike ndodhi aty duke shkaktuar kështu tronditjen e të tjerëve.

G-Eazy dhe shoqëruesit e tij thuhet se “sulmuan një nga pjesëmarrësit në festë, duke e goditur me këmbë në tokë”, tha faqja.

Konflikti u zhvendos në trotuarin e hotelit, ku kishte edhe më shumë dhunë.

G-Eazy thuhet se “goditi me grusht një 32-vjeçar në fytyrë”, shkroi NYDN.

Faqja gjithashtu tha se as G-Eazy as burri tjetër nuk shkuan në spital për plagët e tyre.

Burrat që u ndeshën me reperin i cili nmëron dy bashkëpunime shumë të suksesshme me Bebe Rexhën, i thanë policisë se ata ishin ‘sulmuar’ nga G-Eazy.

Sidoqoftë, PageSix tha se njëri nga burrat shkoi në spital dhe ata e quajtën atë: socialist Daniel Chetrit, i cili shoqërohet me Kendall Jenner.

Gjithashtu u pretendua se Danieli pësoi lëndime në kokë që kërkonin qepje.

Burimi i Page Six i dha më shumë ngjyrë historisë: “Ata janë dy grupe super të ndërlidhura. Ata janë të gjithë miq, dhe diçka e ndezi dikë, dhe ekipi i G-Eazy përfundoi duke u ndeshur me një nga miqtë e Zack Bia [Daniel]”, tha një burim i brendshëm për faqen.

“Zack nuk kishte asnjë lidhje me të. Ai ishte vetëm atje. Një nga miqtë e G-Eazy theu një shishe mbi kokën e Danielit”, pohoi një burim pranë Bia.

Të hënën policia e mori G-Eazyn në paraburgim të hënën “pa incidente”, shtoi NYDN.

Ai tani ka një biletë për paraqitje në tavolinë për t’u paraqitur në Gjykatën Penale në Manhattan më 1 tetor.

G-Eazy u pa për herë të fundit në publik të dielën në MTV Video Music Awards 2021 në Barclays Center në rrethin Brooklyn të New Yorkut.

Ai nuk dukej të kishte asnjë shenjë në fytyrë nga ndonjë zënkë. /Telegrafi/