Arrestohen pesë persona për posedim të marihuanës

Policia  e Kosovës ka njoftuar se gjatë 24 orëve të fundit në Prishtinë dhe Podujevë ka arrestuar pesë persona për posedim të narkotikëve.

Në të gjitha rastet policia ka gjetur marihuanë te personat e arrestuar,

Nga pesë të arrestuarit tre prej tyre janë dërguar në mbajtje kurse dy të tjerët janë liruar në procedurë të rregullt.

Rastet sipas raportit të policisë:

Rr. Lidhja e Lezhës , Prishtinë 21.02.2022-19:00. Është arrestuar i dyshuari mashkull  kosovar, pasi që gjatë kontrollit njësiti policor  tek  i dyshuari ka gjete dhe konfiskuar një sasi të vogël me substancë të dyshuar narkotike të llojit marihuanë. Me vendim të prokurorit  i dyshuari lirohet në procedurë të rregullt.

Rr. Vushtrria , Prishtinë, 21.02.2022-19:50 Është arrestuar i dyshuari mashkull  kosovar, pasi që gjatë kontrollit njësiti policor tek  i dyshuari ka gjete dhe konfiskuar një sasi të vogël me substancë të dyshuar narkotike të llojit marihuanë. Me vendim të prokurorit  i dyshuari lirohet në procedurë të rregullt.

Rr. Skënderbeu ,Nuhi Gashi dhe Ramë Govori , Podujevë 21.02.2022-16:40. Janë arrestuar tre të dyshuar meshkuj  kosovarë, pasi që gjatë kontrollit tek të njëjtit janë gjetur dhe sekuestruar 2.3 gr substancë e dyshuar narkotike e llojit marihuanë, tre telefona dhe 75 euro. Lidhur me rastin në shtëpinë e njërit nga të dyshuarit janë gjetur edhe 19 paketime prej 24 gr substancë e dyshuar narkotike e llojit marihuanë, gjashtë pako letra rizlla për mbështjelljen dhe përdorimin e marihuanës dhe dy telefona celular . Me vendim të prokurorit tre të dyshuarit dërgohen në mbajtje.  /Telegrafi/