Anija gjigante që përpunon deri në 250 ton peshq në ditë dhe është një kërcënim për ambientin nënujor, po qëndron për disa ditë në brigjet Anglisë

Mbrojtësit e ambientit në Angli, janë shprehur të shqetësuar me praninë e anijes gjigante që merret me përpunimin e peshkut, që është parë në bregdetin e Sussex dhe Portsmouth.

E quajtur Margiris, anija me regjistrim lituanes – dikur e konsideruar si e dyta më e madhja në botë – në vitin 2013, iu ndalua të peshkonte në ujërat e Australisë, transmeton Telegrafi.

Sipas MarineTraffic, kjo anije kontroverse që peshon 6,200 ton dhe me gjatësi deri në 142 metra, mund të përpunojë deri në 250 ton peshq në ditë, që është një kërcënim për botën ambientin nënujor.

Kapaciteti i kësaj anijeje, që për disa ditë po qëndron në brigjet angleze, është sa dhjetëra anije të zakonshme peshkimi, duke bërë që të mbledhë sasi enorme peshqish. Gjë që ndikon më së shumti, në speciet e rrallë dhe që janë në zhdukje, ndërsa dëmton më së shumti delfinët.

Në anën tjetër, kompania holandeze Perlelviet van der Plas, ka thënë se nuk përbën kërcënim për botën nënujore, derisa pretendon se mbledhjen e peshkut e bën në shoqëri të plotë me ambientin. /Telegrafi/