Angelina Jolie ishte vet përkufizimi i elegancës në tapetin e kuq të Festivalit të Filmit në Venecia 2024

Angelina Jolie përfundoi në lot pas një ovacioni prej dhjetë minutash në Festivalin e Filmit në Venecia pas premierës së filmit “Maria”, dhe aktorja ishte përkufizimi i elegancës e veshur një fustan të gjatë ngjyrë bezhë me një detaj gëzofi.

Fituesja e çmimit “Oscar” mori pjesë në premierën e filmit të saj të ardhshëm “Maria” dhe pas shfaqjes ajo u prit me një duartrokitje kaq të stuhishme dhe të gjatë sa u prek veçanërisht nga kjo.

Jolie u shoqërua poshtë shkallëve të teatrit në një ovacion të madh dhe u pa duke fshirë lotët nga fytyra e saj, shkruan DailyMail.

Klipi, i publikuar nga Vanity Fair i Italisë, tregon Angelinan duke fshirë lotët dhe duke marrë një përqafim nga bashkë-ylli i filmave, Pierfrancesco Favino.

Aktorja mbërriti në tapetin e kuq e veshur me një fustan byrynxhyk në nuanca të ftohta bezhë me një detaj gëzofi, të dizajnuar nga Tamara Ralph, një stiliste australiane.

Jolie është veçanërisht e dashur për markën dhe ka veshur modelet e Ralph-it në disa ngjarje në tapetin e kuq në të kaluarën. Beli i mprehur dhe ngjyra u frymëzuan nga stili i Callas.

“Vendosa të mos kopjoj pamjen e Marias sepse qilimat e saj veneciane ishin mahnitëse, kështu që i bëra pak dedikim – në një mënyrë tjetër”, tha ajo për Vogue, e veshur me karficin e saj Cartier nga viti 1971.

“Mund ta imagjinoni se sa e veçantë është të veshësh një bizhuteri që ishte e saja”, shtoi ajo.

Regjisori i filmit, Pablo Larraín, së bashku me anëtarët e kastit të filmit, gjithashtu morën pjesë në premierën.

“Maria” është një film biografik në të cilin Jolie luan Maria Callas, një nga këngëtaret më të mëdha të operës në botë. Filmi zhvillohet në Paris në vitet 1970 dhe tregon historinë e jetës tragjike dhe të stuhishme të Callas dhe tregon ditët e saj të fundit të jetës. /Telegrafi/