Analistët në Wall Street thonë se Presidenti Trump mund të dobësojë dollarin amerikan

Analistët në Wall Street kanë filluar të spekulojnë se presidenti amerikan Donald Trump mund të ndërhyjë për të dobësuar monedhën e vendit, pas një sërë komentesh që synojnë bankat e tjera qendrore.

Sipas shefit botëror të strategjisë G-10 FX në bankën Merrill Lynch, Thanos Vamvakidis, bankat qendrore aktualisht janë të përfshira në një luftë të fshehtë të monedhës, e cila po shkakton ngrirje në tregjet valutore.

Trump më së fundi u ankua se Kina dhe Evropa kishin nisur lëvizjet e politikave të dizajnuara për të ulur monedhat e tyre në mënyrë që të jenë më konkurruese me Shtetet e Bashkuara të Amerikës.

“Të gjithë po përpiqen të lëvizin monedhat e tyre, por të gjithë po përpiqen në të njëjtën kohë, dhe në fund, askush nuk përfiton, dëmi kolateral i gjithë kësaj është problemi i koordinimit ndërkombëtar të politikave. Në një farë mënyre, ne jemi në një luftë të monedhës, edhe pse askush nuk e ka pranuar atë”, thotë Vamvakidis, përcjell Scan.

Lexo po ashtu Wall Street: Pas euforive është e vështirë të 'zbutet' teknologjia Blockchain

Po ashtu, në Wall Street thonë se pas euforive është e vështirë të “zbutet” teknologjia Blockchain. Ku, disa drejtues thonë se pengesat ligjore shpesh kanë ngadalësuar zbatimin e projektit. /Telegrafi/