Analistët: Këto zgjedhje me më shumë vëzhgim dhe më shumë alternativa për qytetarët

Zgjedhjet e parakohshme parlamentare do të jenë ndryshe nga të gjitha që i kemi pasur deri më tani. Do të ketë monitorim më të fortë vendor dhe ndërkombëtar, nuk do të ketë shumë hapësirë për shantazhe ose kërcënime dhe do ketë terren të lirë për të bërë përzgjedhje sipas bindjes së qytetarit pasi tashmë janë krijuar kushtet si me opsione të reja ashtu edhe me sigurinë e qytetarëve për të dalë masovikisht dhe për të votuar, përcjell Telegrafi Maqedoni.

Këto janë qëndrimet e analistëve Ismet Ramadani dhe Petar Arsovski, të cilët për TV Shenja thonë se votuesit të dielën duhet të dalin dhe të votojn e të mos lejojnë që vota e tyre të keqpërdoret.

Sipas Ismet Ramadanit, në këto zgjedhje është interesante oferta dhe fuqia e partive opozitare të cilat kanë platforma dhe oferta të pasura dhe janë një alternativë e mirë për qytetarët e dëshpëruar nga politikat e deritanishme të partive parlamentare. Ndërsa Arsovski vlerëson se do ketë dalje masive në zgjedhje pasi kjo është dëshmuar me shumë anketa të deritanishme./Telegrafi/