Amsterdami ndalon pirjen e marihuanës në qendër të qytetit – dënime rigoroze kush thyen rregullat

Amsterdami planifikon të ndalojë pirjen e marihuanës në qendër të qytetit si pjesë e një sërë masash për të parandaluar festimet e tepërta nga turistët dhe për të mbrojtur zonën për vendasit.

Rregullat e reja pritet të ndikojnë kryesisht në jetën e natës. Zyrtarët thanë se karakteri i hapur dhe i lirë i Amsterdamit u jep vizitorëve përshtypjen e rreme se “çdo gjë shkon dhe gjithçka lejohet”.

Mikpritja dhe dekorimi i dritareve do të duhet të përfundojnë më herët në mbrëmje dhe kufizime më të rrepta do të vendosen për netët e beqarisë dhe vizitat e organizuara në pijetore.

Zyrtarët e qytetit po planifikojnë një fushatë për të dekurajuar turistët ndërkombëtarë që të vijnë në Amsterdam për t’u “çliruar”.

Ndalimi i planifikuar i pirjes së duhanit në pjesë të qendrës së qytetit nuk ka për synim kafenetë, por konsumimin e jashtëm në sheshe dhe rrugë të caktuara. Shkelësit do të ndëshkohen rëndë.

Zyrtarët e Amsterdamit duan të mbrojnë qendrën e qytetit nga “overturizmi”, që do të thotë më shumë vizitorë sesa mund të përballojë zona.

Pritet që në 2023 të vijnë 18 milionë vizitorë dhe autoritetet e qytetit deklarojnë se kufiri është 20 milionë.

Amsterdami ka një popullsi prej 900 mijë banorësh dhe këshilli i qytetit pritet të miratojë rregulla më të rrepta përpara Krishtlindjeve. /Telegrafi/