23/06/2022
Trepça ka bërë goditjen më të madhe këtë afat kalimtar veror në elitën e basketbollit kosovar.
'Minatorët' kanë arritur ta marrin njërin nga basketbollistët më të mirë në Kosovë, Erjon Kastratin.
Fundori kosovar u largua nga Ylli gjatë ditës së sotme dhe zyrtarizoi transferimin në Mitrovicë te Trepça.
27-vjeçari ka nënshkruar kontratë tre vjeçare me nën kampionin kosovar.
Ka qenë faqja zyrtare e Trepçës që ka zyrtarizuar transferimin e Kastrati.
"Mirësevjen në qytetin e Basketbollit Erjon. Erjon Kastrati i bashkohet projektit tonë, për 3 vitet e ardhshme", ka shkruar faqja zyrtare e 'Minatorëve'. /Telegrafi/
