07/12/2016
Interi ka konfirmuar se Marcelo Brozovic e ka rinovuar kontratën deri në vitin 2021.
Mesfushori kroat pati disa probleme më herët gjatë sezonit pas mosmarrëveshjeve me ish-trajnerin Frank de Boer, por tashmë i ka rregulluar raportet me klubin pas angazhimit të Stefano Piolit.
Juventusi dhe Chelsea u përpoqën ta transferonin futbollistin e dikurshëm të Dinamo Zagrebit gjatë verës, por Nerazzurrët nuk e lejuan largimin e tij.
Tash, 24-vjeçari ka nënshkruar kontratë të re me klubin nga Milano. Kontrata e mëhershme ishte valide deri në vitin 2019.
“Marcelo Brozovic ka nënshkruar vazhdimin e kontratës deri në vitin 2021”, thuhet në njoftimin e Beneamata. /Telegrafi/