23/06/2019
Një 31-vjeçar dyshohet se është mbytur në det pasditen e sotme. Ai ka qenë me dy persona të tjerë në plazhin e Durrësit.
Tre të rinj kanë qenë duke u larë, konkretisht në plazhin e Currila në Durrës kur njëri prej tyre ka hyrë në det dhe nuk ka mundur të dalë dot.
Dy shokët e tij kanë dhënë alarmin për gjetjen e tij dhe me-gjithë kërkimet në det të bëra nga një mjet i policisë kufitare shtetasi D.M. me origjinë nga Skrapari nuk është gjetur ende.