Wolverhampton Wanderers e ka ndalur Manchester Unitedin në xhiron e dytë në Ligën Premier, derisa ndeshja përfundoi 1-1.
Djajtë e Kuq ishin ata të parët që kaluan të parët në epërsi me golin e shënuar nga Anthony Martial në minutën e 27-të nga asistimi që pranoi nga Marcus Rashford.
Pjesa e parë përfundoi me epërsinë e Unitedit, mirëpo pjesa e dytë i takoi ‘Ujqve’.
Ishte minuta e 55-të kur Ruben Neves e shënoi një gol të mrekullueshëm nga distanca, pas asistimit që mori nga Joao Moutinho.
Mirëpo, Manchester United e kishte shansin që ta rikthente epërsinë me penalltinë e fituar nga Paul Pogba (68’), por Rui Patricio e priti atë gjuajtjen e francezit.
Pas xhiros së dytë, skuadra nga qyteti i Manchesterit renditet në vendin e katërt me katër pikë, po aq sa ka edhe City në vendin e tretë, ndërsa Livepool dhe Arsenali ndajnë pozitën e parë me gjashtë pikë. /Telegrafi/
https://twitter.com/GeniusMUFC/status/1163533638295797760
https://twitter.com/FlFAWC2018/status/1163544966184034311