Vodhën tre bidonë naftë – policia arreston katër persona në Podujevë
19/09/2023
Katër persona janë arrestuar në fshatin Lupç të Podujevës pasi që janë kapur në flagrancë duke vjedhur naftë.
Rasti ka ndodhur të hënën rreth orës 03:35, njofton policia.
“Janë arrestuar katër të dyshuar kosovarë pasi që të njëjtit janë kapur në flagrancë duke vjedhur derivate të naftës. Njësitet policore në vendin e ngjarjes, kanë sekuestruar një veturë e cila dyshohet se ka qenë e përfshirë në rast dhe tre bidonë me naftë rreth 90-litra”, njofton policia.
Me vendim të prokurorit, të dyshuarit pas intervistimit janë dërguar në mbajtje. /Telegrafi/