Veterani i Luftës së Dytë Botërore, Kapiteni Tom Moore ka ndërruar jetë si pasojë e coronavirusit.
Sipas BBC, përcjell Telegrafi, 100-vjeçari i cili mblodhi pothuajse 33 milionë funte për Shërbimin Shëndetësor Kombëtar në Mbretërinë e Bashkuar ishte dërguar të dielën në Spitalin Bedford pasi pati probleme me frymëmarrje.
Vajza e tij Hannah Ingram-Moore tha se 100-vjeçari ishte trajtuar për pneumoni gjatë javëve të fundit dhe javën e kaluar ai pati rezultuar pozitiv me COVID-19.
Pallati Buckingham tha se Mbretëresha, Elizabeta e dytë, po i dërgonte një mesazh privat ngushëllimi familjes së Kapitenit Tom Moore.
“Me trishtim të madh po ju njoftojmë për vdekjen e babait tonë të dashur”, thanë në një deklaratë vajzat e Moore, Ingram-Moore dhe Lucy Teixeira. /Telegrafi/