Pas eliminimit nga Liga e Kampionëve dhe Kupa e Mbretit pritet që shumë lojtarë të largohen nga Barcelona.
Skuadra spanjolle u eliminua nga gara më e madhe e futbollit në gjysmëfinale nga Liverpooli, ndërsa në finales së Kupë së Mbretit nga Valencia.
Barça arriti ta fitonte titullin kampion në La Liga, mirëpo prioriteti kryesor i tyre ishte Liga e Kampionëve, ndërsa në verë po planifikon që t’i largojë deri në 11-të lojtarë.
Thomas Vermaelen, Jeison Murillo, Kevin-Prince Boateng, Jasper Cillessen, Nelson Semedo, Samuel Umtiti, Ivan Rakitic, Andre Gomes, Denis Suarez, Malcom dhe Philippe Coutinho, priten të largohen nga Camp Nou gjatë verës.
Marca raporton se Vermaelen, Murillo dhe Boateng, janë jashtë kontrate, andaj do të largohen si lojtarë të lirë.
Barcelona do të tentojë që të përfitojë një shumë të majme nga shitja e tetë lojtarëve të tjerë, në mënyrë që të investojë në transferimet e kësaj vere. /Telegrafi/