Trajneri i Barcelonës, Ernesto Valverde, e ka pranuar se do të jetë i lumtur nëse mund t'i shtojë ekipit të tij një sulmues të ri këtë muaj.
Barcelona është në treg për një sulmues të ri, i cili do ishte zëvendësues i Luis Suarezit.
Valverde ka deklaruar haptazi se dëshiron nënshkrimin e sulmuesit të ri, kur u pyet nga gazetarët rreth kësaj çështje.
"E di se klubi po punon rreth transferimeve, por nuk është aq i thjeshtë sa duket", ka thënë fillimisht Valverde.
"Ne do të shohim nëse mund të bëhet diçka rreth kësaj".
"Por, ne do të vazhdojmë me armët tona që kemi në dispozicion çfarëdo që të ndodhë", përfundoi spanjolli.
Sulmuesi i Los Angeles FC, Carlos Vela, është lidhur me Barcelonën këtë fundjavë.
Përveç meksikanit, Barcelona është lidhur edhe me sulmuesit spanjoll, Fernando Llorente, Christian Stuani dhe Alvaro Morata. /Telegrafi/
