Ura e gjatë 1200 metra, shembet për dy sekonda (Video)

Zyrtarë të qytetit Zhangjianjie të Kinës, kanë vendosur të rrënojnë urën mbi lumin Lishui, sepse kishte filluar të amortizohej.

Sipas llogarive, riparimi shpeshtë i urës së gjatë 1200 metra, kushton më shtrenjtë sesa ndërtimi i një ure të re, transmeton Telegrafi.

Ura është shembur për dy sekonda, pasi i kanë vënë afro një ton dinamit, i cili është aktivizuar në mënyrë të kontrolluar.

Ura e re që do të ndërtohet deri në fund të vitit 2017, do të jetë më e gjerë, ndërsa do të kushtojë afro 12 milionë euro. /Telegrafi/