Mbrojtësi brazilian, Alex Sandro thuhet se është afër mbylljes së transferimin të tij nga Juventusi te Manchester Unitedi.
Djajtë e Kuq kanë bërë shpenzime në këtë sezon, por klubi nuk ka arritur objektivat e veta para-sezonale.
Kështu, drejtuesit e klubit dhe Jose Mourinho janë të interesuar të përforcojnë edhe më shumë skuadrën e tyre për sezonin e ri.
Njëri nga objektivat kryesore të skuadrës nga Old Trafford është mbrojtësi i majtë i Juventusit, Sandro.
Për Sandron, Unitedi kishte provuar edhe gjatë verës së kaluar, por kishte dështuar të arrijë një marrëveshje me klubin italian.
Megjithatë, sipas mediumit britanik The Times, Djajtë e Kuq tani janë afër të mbyllin transferimin e Sandros.
Mbrojtësi i majtë shihet si një përshtatje perfekte për një zonë problem për ekipin e Mourinhos, me Luke Shaw dhe Ashley Young që nuk kanë bindur totalisht.
Thuhet se Unitedi do të duhet të paguajë më shumë se 50 milionë funte apo 56.7 milionë euro për të transferuar brazilianin. /Telegrafi/