Trepça ’89, miqësore me Kukësin me 16 prill

Pikërisht 15 vjet më parë, në ditën kur do të zhvillohet dhe takimi, 75 mijë qytetarë të qytetit të Mitrovicës kaluan kufirin në pikën e Vërmicës, për t’iu larguar represionit serb.

Në Kukës, ata gjetën ngrohtësi dhe mikpritje dhe për të kujtuar këtë ditë, klubi mitrovicas dhe ai verilindor i Shqipërinë kanë vendosur të zhvillojnë një ndeshje simbolike mes tyre, transmeton “Supersport”.

Takimi do të luhet në Kukës, më 16 prill, në orën 15:00 dhe të pranishëm pritet të jenë dhe një numër i madh tifozësh nga xehetarët e Mitrovicës, por gjithashtu dhe kryeministri i Shqipërisë, Edi Rama dhe ai i Kosovës, Hashim Thaçi. /KP/Telegrafi/