Tregtia është "e shkëlqyer për zgjidhjen e luftërave", tha Donald Trump, pasi njoftoi një paketë të re armësh për Ukrainën dhe kërcënoi Rusinë me sanksione më të larta.
"Ky është një shans për paqe", tha presidenti i SHBA-së, transmeton Telegrafi.
Ai tha se mendonte se kishte arritur një marrëveshje me Rusinë për t'i dhënë fund luftës në Ukrainë "rreth katër herë", por "ja ku jemi ende duke folur".
"Mendova se duhet të kishim arritur një marrëveshje shumë kohë më parë, por ajo vazhdon e vazhdon", shtoi ai.
Trump gjithashtu fajësoi për luftën paraardhësin e tij Joe Biden, duke e quajtur atë "një luftë e Biden".
Ai tha se flet me Vladimir Putinin "shumë" dhe pretendoi se udhëheqësi rus "e di se çfarë është një marrëveshje e drejtë".
Trump tha se fliste me Putinin për Ukrainën "shumë" dhe "ishte drita e syrit të tij".
Ai shprehu njëfarë zhgënjimi, duke thënë se ka zhvilluar telefonata të fundit me Putinin, ku më pas do të thoshte "ajo ishte një telefonatë e këndshme", por më pas "raketa lëshohen në Kiev ose në ndonjë qytet tjetër, dhe kjo ndodh tre ose katër herë". /Telegrafi/