Theren me thikë tre persona gjatë një përleshje në Podujevë – arrestohet një i dyshuar

Policia e Kosovës ka njoftuar se në Podujevë ka ndodhur një përleshje, ku tre persona kanë pësuar lëndime trupore si pasojë e therjes me thikë.

Rasti ka ndodhur të shtunën rreth orës 00:38.

Të njëjtit janë dërguar për tretman mjekësor në QKUK.

Mjeti i mprehtë –thika është konfiskuar, ndërsa lidhur me rastin, njëri prej të dyshuarve me vendim të prokurorit është arrestuar dhe dërguar në mbajtje./Telegrafi/