Të shtunën mbahet turneu memorial ‘Shemsi Kurtalani’
KB Drita në bashkëpunim me Federatën e Boksit të Kosovës (FBOXK), do të organizojnë këtë turne, i cili është i dyti me radhë.
“Në turne do të marrin pjesë kadetë, juniorë, seniorë dhe femrat. Të drejtë pjesëmarrje kanë klubet të cilat janë të regjistruara në federatë. Turneu është i mirëseardhur për boksierët e ri që të kenë sa më shumë meçe dhe të fitojnë përvojë të duhur për garat ndërkombëtare. Turneu është vjen në kohën e duhur para Kampionatit Evropian për junior qe mbahet ne Kezsetly te Hungarisë nga 29 qershor deri me 6 korrik dhe Kampionatit Evropian për femra , që mbahet në muajin korrik në Assisi të Italisë”, është thënë në njoftimin e FBOXK-së.
Sipas këtij njoftimi, KB Drita do te marre pjese ne turneun ndërkombëtar për junior dhe kadet ne Podgorice (Mali I Zi), që mbahet më 22.06.2014.
Turneu memorial ‘Shemsi Kurtalani’ mbahet të shtunën në palestrën e sporteve ‘Bashkim Selishta’ në Gjilan, ndërsa meçet i drejtojnë gjyqtarët: Latif Demolli kryesor, Aliriza Rexhepi, Agim Tahiraj, delegat Elhami Bajrami. /KP/Telegrafi/