Demi Moore nuk ka ndërmend të përjashtojë as edhe një fragment të jetës nga libri i saj i ri. Aktorja është e gatshme të çlirohet nga sekretet më të errëta, që duket se e mundojnë prej kohësh.
Në librin e bukuroshes hollivudiane tregohet se si ish-bashkëshorti i saj, Ashton Kutcher, e kishte tradhtuar dy herë përgjatë martesës së tyre tetëvjeçare, me Brittney Jones dhe Sara Leal.
Po kështu, Demi rrëfen se shpeshherë është ndjerë e detyruar nga Kutcher për të kryer marrëdhënie treshe dhe i është dashur të pranojë dy të tilla për t’u dukur “një grua e mirë” - transmeton KP.
“Doja t’i tregoja se sa e paparë dhe argëtuese mund të isha”, ka rrëfyer Moore në libirn "Inside Out” duke e cilësuar këtë sjellje të saj si “të gabuar”.
Romanca e tyre nisi në vitin 2003 dhe dy vite më vonë, në vitin 2005, çifti e kurorëzoi dashurinë.