Sulmohet seksualisht një grua në Gjakovë
24/05/2023
Policia e Kosovës ka bërë të ditur se një grua ka raportuar se është sulmuar seksualisht nga një person i panjohur.
Rasti ka ndodhur në Gjakovë.
“Gjakovë 23.05.2023 - 04:48. Ankuesja femër kosovare ka raportuar se është sulmuar seksualisht nga i dyshuari i panjohur. Pas një pune operative-hetimore nga njësia e hetimeve të Stacionit Policor Gjakovë është arritur të identifikohet i dyshuari i cili është arrestuar”, thuhet në raport.
Pas intervistimit me vendim të prokurorit është dërguar në mbajtje. /Telegrafi/