Peter Stoger ka konfirmuar se koha e tij në krye të Borussia Dortmundit ka mbaruar nga dita e sotme (e shtunë).
52-vjeçari njoftoi se do të ndahet me klubin gjerman pas humbjes 3-1 në Hoffenheim në ndeshjen e fundit të sezonit të Bundesligës.
Kjo humbje e la Dortmundin të 'kap' për pak një vend të Ligës së Kampionëve pasi ata përfunduan përpara Bayer Leverkusenit në vendin e pestë vetëm për shkak të diferencës së golave.
Stoger mori përsipër skuadrën vetëm pas shkarkimit të Peter Bosz në dhjetor pasi ai ishte liruar nga detyrat e tij në Koln një javë më parë.
"Kjo është ndeshja ime e fundit për BVB, me të cilët e vendosëm së bashku pak kohë më parë", ka thënë Stoger në konferencën e tij pas ndeshjes.
"Një stimul i ri, me një trajner të ri, do ta bëjë mirë për klubin", përfundoi austriaku.
Trajneri i Nice, Lucien Favre, i cili më parë ka pasur detyra me Hertha Berlinin dhe Borussia Monchengladbach, pritet të bëhet trajner i skuadrës nga Signal Iduna Park. /Telegrafi/