14:"Ridvan Slivova
12/01/2018
Kryesia e Kuvendit të Kosovës e ka shtyrë për të mërkurën mbledhjen e paraparë të mbahej të hënën më 15 janar.
Kështu është bërë e ditur në një komunikatë të Kuvendit.
“Mbledhja e Kryesisë së Kuvendit të Republikës së Kosovës, e paraparë të mbahet të hënën, më 15 janar 2018, do të mbahet të mërkurën, më 17 janar, në orën 11:00”, thuhet në komunikatë, duke mos bërë të ditur arsyet e shtyrjes së mbledhjes.
Mirëpo Telegrafi mëson se arsyeja e shtyrjes së kësaj mbledhje është bërë për shkak të përvjetorit të masakrës së Reçakut.
Këtë vit më saktësisht të hënën bëhen 19 vite që në këtë masakër u vranë 45 civilë shqiptar në mesin e tyre edhe 8 pjesëtarë të UÇK-së. /Telegrafi/