Leroy Sane ishte futbollisti i vetëm që e ka dribluar në këtë sezon mbrojtësin holandez të Liverpoolit, Virgil Van Dijk.
Van Dijk ka pasur një super-sezon në aspektin individual, por edhe atë ekipor pasi ka përfunduar si nën-kampion në Ligën Premier dhe ka fituar Ligën e Kampionëve.
Paraqitjet e tij të mira kanë bërë që qendërmbrojtësi holandez të llogaritet si njëri nga kandidatët kryesorë për të fituar çmimin e madh individual Topin e Artë.
Mbrojtësi i Liverpoolit është llogaritur si i mur i pakalueshëm këtë sezon, ndërsa shumë statistika e kanë qitur si lojtarin e vetëm të pa-dribluar këtë sezon.
Megjithatë, Van Dijk në 56 ndeshje të zhvilluara me Liverpoolin dhe Holandën në të gjitha garat është dribluar një herë.
Është sulmuesi gjerman i Manchester Cityt, Leroy Sane, i cili e ka dribluar atë në ndeshjen në mes Gjermanisë dhe Holandës më 19 nëntorit të vitit 2018.
Kjo ndeshje përfundoi me rezultat 2-2 dhe driblimi i Sanes ndaj Van Dijkut ndodhi në minutën e 42-të. /Telegrafi/