Rrëshqitje dheu në Nepal, 6 të vdekur dhe 26 të zhdukur
13/09/2020
Si pasojë e rrëshqitjeve të dheut dhe reshjeve të dendura në Nepal kanë humbur jetën 6 persona ndërsa 26 të tjerë janë zhdukur.
Në një deklaratë nga qeveria e Nepalit thuhet se shirat kanë shkaktuar përmbytje në 3 fshatra, 120 kilometra në lindje të kryeqytetit Katmandu.
Në punimet e shpëtimit të filluara në rajonin ku shtëpitë kanë mbetur nën dhe u gjetën trupat e pajetë të 6 personave dhe 26 të tjerë janë të zhdukur, shkruan AA.
Sipas të dhënave të publikuara nga Ministria e Brendshme thuhet se ka arritur në 351 numri i personave që kanë humbur jetën për shkak të shirave intensive këtë vit në vend.
Shirat e rrëmbyeshëm në vend përfundojnë në muajin shtator.